قائد سعد علوش

(كــــــرت زيـــــاره)



قال : أبا اشوفك ؟ سكت شوي , قلت : اشزينه
موعـدٍ معـك أنـت لايمكـن علـيّ إنكـاره
بـس لاحـظ إن قلبـي لـو جفـو غاليـنـه
مـا جعلهـم عرضـة النقـاده الثـرثـاره!!
قال : أنا أدري .. و الله يوقْف معـه و يعينـه
قلبـك إلـى حـط أعـداءه علـى أنصـاره!
قال:باكـر.. قلـت بكره(غـد).. يـا تانينـه
كلهـا ساعـات ويبـوح النـهـار أســراره
المهم.. أصبحت صبـحٍ مـا عـرف تكوينـه
صبح من نـدرة عصافيـره تصيـد احـراره
وآتقهـوى.. قهـوة اللـي مضحكتْـه سنينـه
وآخذ اغراضـي معـي.. واشغّـل السيـارة
واسرح فـي بالـي انـه فـي حـدا دربينـه
يـا قبـل بيتـه ابيّتـيـن.. أو عـلـى دوّاره
وليـه ذا.. واقـف معنّـز جسمـه بيدّنـيـه
وقفـة اللـي ربعـه تحـبّـه ولا تخـتـاره
قلت: ليه انت اتّشاءم انت اتّشاءم والبنادم طينه
ينتصـر.. لاحـط ذكـر الله علـى إصـراره
قال: أنـا.. مانيـب متشائـم.. لكـن يشينـه
لابتـدا عمـرك بصدماتـه ومـوت أزهـاره
كنت احسـب ان الحيـاة لسـاره أو ل(لينـه)
لين ماتت (لينه).. وفي يـوم ماتـت (سـاره)
ظل يبكي.. وانتهز صدري .. وجا مـن بينـه
ليـن حسيـت ان كثـر الدمـع فـك ازراره
اعملـت فـي عينـي انفاسـه ودمعـة عينـه
مثل ما يعمـل بخـار الشـاي فـي النظـاره
قمت اضمه وآحضن راسـه ولا ادري وينـه
لانـي اعشقـه بمفاجأتـه وفــي تـكـراره
كـان يـوم.. يعلّـم الواحـد يوفّـي ديـنـه
الفـرح بـه قاطـعٍ للحـزن كـرت زيـاره
يالله انـك تقطـع الوقـت الـردي وتهيـنـه
كانـه يبكّـي كبـاره مـن غيـاب صـغـاره