قصيدة رثاء بالمرحوم فرحان الزريقات (ابو منصور)

النادر الغالي
بديت باسم الله خـلاق الاكــوان
الخالق الحافظ مـرسـل رسـولــه
ترحم النادر الغالي يألله يا رحمان
يا الله تجـعل في جنانـك حلوله
مرحوم يا شورى الكرم يا كحيلان
الطيـب كـل الطيب باقي فعوله
فرحان ابو منصور لو راحت أزمـان
مواقف تبقى مع الرجال الفحولة
والله لي قلب يغليه في كل الأحيان
وأتـخيـله في كل موقـف رجولـة
ومن فارقك يا شيخ حياته بالاحزان
شـخصـيةً مـا كـل ديرة تنولــه
يبكيك من حس الزمان ما به امان
يبكيك مـن كانت ثقيله احموله
يبكيك من باقوا به فــلان وفــــلان
تـبكيك اديار البدو عرضه وطوله
ويبكيك صياح الضحى لاغار فسقان
ويـبكيك من له حق وصعبٍ ينوله
والي يفضي البال لا كـان حـيـران
من عقبه فرحان قولـــه يقولــــــه
أرداهم إلي لا حـكـا قـالـوا حـصـان
واحــدهـم اكـبـرمــن كلام نقولـه
وصلاة ربي عد مــا ســال وديــان
واعـداد مــا نــوخ الـبـدوي ذلوله
وإعداد وبلٍ سـرى وســط قــيعــان
عـلـى رسـول الخـلـق فوزٍ ينولــه