احب اعسف المهره

يامدور الهين ترى الكايد أحلى=اسأل مغنّي كايدات الطروق

..الزين غالي لكن الأزين أغلى=ولكل شرايٍ بضاعة وسوقِ

..النوّ عالي والسما فوقه أعلى=لا فاق علمٍ جاه علمٍ يفوقِ

..الصعب هلاّ قلت ياصعب سهلا=دامك تبيني فانت ياصعب شوقِ

..أحب أعسف المهرة اللي تغلى=واحب أروّض كل طرفٍ يموقِ

..واحب أسافر مع سحاب تعلّى=واحب فوق الغيم لمع البروقِِِِ

..واحب اساهر بدري اللي تجلى=وارسم شعاع الشمس عند الشروقِ

..يامن على ثاير فوادي تولّى=خلّك على قلب الكرامة شفوقِ

..أكرم عزيزٍ بالعمر ماستذلّى=يسوق عمره للمشاريف سوقِ

..اخترتك من الناس للقلب خلّى=ياحيثك مرادي وكيفي وذوقي

..مارحت أدوّر كل زولٍ تحلّى=لولاك تسوى ماعطيتك خفوقي


الامير/خالد الفيصل

بعض البنات يحبو يسمعوا البيت هذا
أحب أعسف المهرة اللي تغلى=واحب أروّض كل طرفٍ يموقِ

بس انا احسسه انه باين هنا تسلطه وقوته وكان البنت لعبه عنده من كلمة اعسسسسسسسف
هذا احساسي انا ومدري عنكم